Burgerskap seremonie

Ons seremonie was aangenaam, hulle hou dit eers weer in die lente hier. Ons het in “City Hall” bymekaar gekom, daar was so 30 nuwe Kanadese Burgers van alle nationaliteite ; Nigerie, Holland, Jamaica, Japan, Sjina , Rusland, ens. Familie en vriende was ook toegelaat. Op almal se stoele was ‘n Kanadese vlaggie , volkslied, en borspeld, somige kinders het die vlaggies gesit en waai tydens die seremonie wat so ‘n uur geneem het. In een toespraak het ‘n meisie van Jamaica gesê: ” Newfoundland is cold , but the people are warm”. Ons is almal gelyk ingesweer, sommer in Frans ook, maar ons het vorentoe gegaan om ons sertifikate en ‘n geskenk-pakkie te kry. Ons het Kanadese T- hempde, ‘n boek , “Charter of rights and freedoms” en sertifikate gekry. Ons het “Oh Canada “ gesing, maar toe dit by die gedeelte kom wat ons nie ken nie, was die video kameras op ons. Die media het onderhoude met somige mense gevoer. Ons het ons fotos geneem voor die Kanadese vlag, saam met ‘n “Mountie”. Die verversings was lekker. Op pad uit sien ek ‘n groot stoel en poseer toe gou daarop. Vol-bloed Kanadees